Еден од најпознатите и најдобри „менаџери“ на лозинки, Bitwarden, доби поддршка за креирање и чување на „passkey“. Кратко, за потсетување, овие клучеви се користат како доста посигурна замена за лозинките, иако има време додека повеќето сервиси целосно ги откажат лозинките и се користат само passkeys.
Можноста за креирање на passkey е достапна за почеток само преку додатокот за интернет прелистувачите, а за во иднина се најавува поддршка и за мобилната апликација. Ова може да се каже дека до некаде е проблем, па подобро ќе беше доколку од компанијата направеа обратно.
Креирањето на passkey е едноставно и се прави исто како што досега тоа беше можно преку оперативните системи, Chrome, Safari, Edge и слично. Корисниците треба да отидат во прилагодувањата на сервисите кои овозможуваат најава со passkey и да го започнат процесот.
Bitwarden додатокот автоматски ќе го забележи барањето за креирање на passkey, по што корисникот се што треба е да го потврди истото.
Со оглед на тоа што Bitwarden се меѓу ретките кои повеќето корисни функции ги имаат во бесплатниот пакет и оваа новина ќе им биде достапна на овие корисници.
