Во октомври минатата година можевме да прочитаме за интересна ситуација каде обичен корисник го купува google.com домејнот, најнормално како и било кој друг. Истиот бил само привремено во сопственост на Sanmay Ved, поранешен вработен во компанијата, по што бил вратен од страна на Google.
Според Google се работело за грешка во системот поради кој домејнот останал непродолжен, а со тоа и ослободен за купување од било кого.
За настанатото недоразбирање и повторното земање на домејнот од Вед, Google има исплатено одредена сума на пари, како еден вид на награда за добрата соработка. Оваа сума беше објавена минатата недела, а истата изнесува 6,006.13 долари.
Вака на прв поглед сумата изгледа чудно и сигурно се прашувате како од Google дошле до оваа бројка. Можеби во неа е пресметан некаков данок, па исплатата добива ваква чудна сума.
Сепак, се работи за мала игра од страна на Google, па доколку подобро ја погледнете бројката ќе забележите дека се работи за името Google, напишано со бројки.
Вед исплатената сума се решава да ја донира во добротворни цели, по што од Google ја имаат дуплирано поради таа причина.
Извор: Google, The Verge, 9to5Google
