Турција веќе стана позната по блокирањето на пристапот до одредени страни за своите граѓани, се разбира секогаш кога не нив има или може да има нешто што не им одговара на властите.
За време на државниот удар кој заврши неуспешно, сомнително, минатиот петок, властите не чекаа многу веднаш да ги блокираат социјалните мрежи Twitter и Facebook, но и YouTube.
Оваа недела таква информација доаѓа за страната на WikiLeaks, а за истата има најави и дека е нападната од непозната страна, но шпекулациите веднаш одат кон турските власти или групи блиски до нив.
Our infrastructure is under sustained attack. #TurkeyPurge #Turkey
— WikiLeaks (@wikileaks) July 18, 2016
Тоа е така поради најновата содржина која е објавена од страна на WikiLeaks. Се работи за скоро 300.000, поточно 294.548 имејлови кои наводно потекнуваат од владеачката партија AKP (Партија за правда и развој).
Имејл пораките се тврди дека се добиени од сигурен избор, а се целосни директориуми од главниот имејл домејн на партијата. Комуникацијата потекнува од 2010, па наваму.
RELEASE: 294,548 emails from Turkey’s ruling political party, Erdoğan’s AKP #AKPemails https://t.co/1Yof7YZpH7 pic.twitter.com/GGzGS8oUrY
— WikiLeaks (@wikileaks) July 19, 2016
Се истакнува дека до имејловите е дојдено една недела пред државниот удар и дека изворот на истите не е поврзан со организаторите и учесниците во ударот.
Извор: The Verge, Reuters, Al Jazeera
