Теди, десетгодишно дете од Пепард, Оксфордшир, поднесе петиција до Apple со која бара да биде променета „емоџи“ иконата која популарно е замислена да ги претстави таканаречените „бубалици“.
Причината за оваа петиција е тврдењето на Теди дека оваа икона им прави проблем на луѓето кои носат очила, односно ги асоцира со „бубалиците“, односно „nerds“ на англиски.
Тој има и сопствен предлог за тоа како треба да изгледа оваа икона, па на местото на смешните заби кои треба да асоцираат на бубалица, тој става мала суптилна насмевка.
Петиција е пуштена до Apple, каде оваа икона е оставена да биде иста како што е замислена од страна на Unicode Consortium, а на другите платформи има мали промени.
Идејата за петицијата доаѓа од неговата наставничка, Лиса, а мора да се заклучи дека ова е веќе стандардно во повеќето западни училишта. Децата се учат дека треба лесно да бидат навредени, па „борбата“ против работите кои ги навредуваат им ја продаваат како јачина.
Иконата која ја предложува Теди е навистина добра и може да се додаде како нова икона, па луѓето со очила да си имаат и своја ваква верзија. Сепак, сметам дека иконата од бубалица треба да остане таква.
