По закажувањето на есенскиот настан од страна на Apple за 12 септември, а свој Surface настан закажа и Microsoft за 23 септември, еве ги и Google со нивниот Pixel настан кој стандардно се одржува во октомври.
Настанот ќе се одржи на 4 октомври во Њујорк и како и секогаш ќе може да се гледа во живо преку YouTube.
Google се’ уште нема ништо официјално кажано за овој настан, па за сега се дознава од поканите кои ги испраќаат до новинарите кои се поканети да присуствуваат.
На овој настан ќе бидат претставени наредната генерација од Pixel телефоните, односно Pixel 8 и Pixel 8 Pro. За нив не се очекуваат некои драстични промени и новини, па во главно може да се каже дека се стандардна надградба.
Tensor G3 чипот ќе биде тука со надеж дека ќе се покаже подобро од претходните генерации, па ќе видиме дали Google ќе може да привлече поголемо внимание со нивните уреди.
Можно е претставување и на втората генерација од Pixel Watch, но засега нема некои поконкретни информации за дали тоа може да се очекува.
