Nokia претстави три мобилни телефони кои што работат на Android оперативниот систем, нешто што беше долго време предмет на шпекулации, но и неизвесност пореди купувањето на компанијата од страна на Microsoft. Трите телефони, наречени Nokia X, X+ и XL, се од ниската класа и не може да се пофалат со нешто посебно добри карактеристики. Работат на изменета верзија од оперативниот систем направена да наликува на Windows Phone, а исто така не е достапна Google Play продавницата за апликации.
Сега кога Nokia официјално е дел од Microsoft се поставува прашањето дали ќе се продолжи со претставување на вакви модели, односно дали ќе биде претставена нова генерација. Според објавата на страната на Nokia тоа дефинитивно станува можност и тоа на почетокот на идната недела. На страната на Nokia Conversations објавен е одбројувач кој што завршува на 24 Јуни, како и пораката Green with envy, односно Зелени од завист. Ако се земе во предвид дека боите користени на страната се истите кои што се користеа пред првото претставување на X серијата, може да се претпостави и очекува дека и овој пат тоа е случајот.
Од новата генерација која што можно е да го носи името X2, се очекуваат нешто подобри карактеристики, па така можно е тие да доаѓаат со поголем 4,3 инчен екран, 1 GB RAM меморија, како и 1.2GHz dual-core и 5 мегапикселна камера.
Каков е вашиот став за овие телефони кои што очигледно од Microsoft го подржуваат нивниот развој ? Дали сметате дека е можно индиректно да помогнат во популарноста на Windows Phone платформата, како што повеќето информации говорат дека тоа е и нивната цел ?
