Пред неколку недели се појавија гласини за договор помеѓу Microsoft и програмерите што стојат позади Cyanogen OS. Според гласините, целта беше да се намали присуството на Google на пазарот со паметни уреди. Имено, Cyanogen OS почнува да се шири на пазарот со тоа што веќе доаѓа преинсталиран на неколку уреди, како што е OnePlus One и од неодамна со договорот со Alcatel ќе биде испорачуван и на Alcatel OneTouch Hero 2+. Нормално, достапен е и за многу повеќе уреди но замената врз оригиналниот Android ќе мора да ја извршите сами.
Нешто подоцна се потврдија гласините дека Microsoft е во преговори со Cyanogen OS за да го финансира проектот.
Но, дознаваме дека од тој договор ништо нема да се реализира. Засега Microsoft нема да го финансираат Cyanogen OS со 110 милиони долари како што беше најавено. Но, тоа не значи дека нема да соработуваат комерцијално во иднина.
Сепак Microsoft има склучено договор со Samsung за апликациите OneDrive, OneNote и Skype да бидат испорачани со секој Samsung Galaxy S6. Како дополнителен бонус, секој што ќе купи Samsung Galaxy S6 добива и 115 гигабајти Cloud простор на OneDrive.
Ривалствата тешко дека ќе престанат, на крајот од денот Microsoft мора да инвестира што повеќе на нивната платформа за паметни телефони. Најверојатно, затоа не е направена зделката.
Извор: WindowsCentral
