Apple изгледа планира отворање на Siri за другите асистенти со вештачка интелигенција, односно од компанијата ќе ја прошират досега достапната можност за испраќање на одредени барања до ChatGPT.
Оваа информација доаѓа од Марк Гурман, кој ретко греши, а одлуката е донесена и покрај тоа што развојот на јазичните модели Apple сега ја прави со помош на Gemini, па се очекува тие да бидат многу поспособни.
Корисниците изгледа ќе имаат можност да додаваат „екстензии“ во Siri, во форма на интеграција на апликациите како Gemini, ChatGPT, Claude и другите, па секој ќе може да избере одредени барања до овој асистент да се извршуваат преку избраната вештачка интелигенција.
Во неговата најнова неделна објава, Марк Гурман продолжува на оваа тема, па тој смета дека Apple ја имаат променето стратегијата за тоа како ќе настапуваат кога е во прашање вештачката интелигенција.
Според него, Apple се свесни дека нивните јазични модели сѐ уште се зад ChatGPT, Gemini, Claude и другите, па нема сценарио во кое од компанијата во блиска иднина би можеле да бидат лидери во областа на вештачката интелигенција.
Поради тоа, Apple ја менува стратегијата и ќе ја примени таа која ја користеше, односно уште ја користи за интернет пребарувањето. Наместо развој на сопствен сервис за пребарување, односно конкурент на Google Search, Apple со години на корисниците им го овозможува Google како стандарден пребарувач на нивните уреди.
Овој начин на настап на пазарот би бил во рамките на стилот на Apple. Тие ќе продолжат да ги прават нивните познати уреди, а посебно iPhone, а тие сега би прераснале во најдобрите уреди за ВИ на пазарот.
Уредите од компанијата продолжуваат да бидат можеби и најдобри за перформанси, па работата со ВИ на нив е нешто што го избираат доста корисници.
Сопствените јазични модели ќе бидат тука, а и доволно добро развиени, само до ниво да корисниците не бегаат на Android и Windows, па Siri ќе може да извршува конечно доста напредни задачи.
Со тек на време, доколку успеат во тоа, Apple може повеќе да се насочат кон нивните јазични модели, но до такво нешто ќе поминат години.
Оваа стратегија дефинитивно е паметна и ќе направи да Apple не бидат гледани како компанија која не успеала да се носи со трендот на вештачката интелигенција, без потреба од брз развој на нивните модели.
