На почетокот од годината Grok на корисниците им стана достапен и надвор од X, како посебна апликација, но за почеток достапна само за корисниците во САД.
Сега апликацијата официјално им станува достапна на сите корисници, па истата може да се симне на двете мобилни платформи, а може да се користи и преку веб. Очекувано, апликацијата е бесплатна и може да се користи без најава, но корисниците кои ќе се најават имаат одредени предности.
Главните предности доаѓаат за корисниците кои имаат претплата, а истата моментално е достапна преку X.
Корисниците кои плаќаат можат да го користат „четботот“ повеќе, додека останатите имаат ограничувања, а исто така тие добиваат и пристап до најновиот јазичен модел, Grok3, кој беше претставен оваа недела.
Grok може да се симне преку Play Store и App Store или да се користи преку веб на оваа страна: https://grok.com.
Информацијата за достапноста на Grok апликацијата за сите корисници ја објави Елон Маск на X.
