Можноста за симнување на само една апликација во исто време на Android преку Play Store е нешто што одамна чекаме да биде променето. Google конечно им овозможи на корисниците да можат да симнуваат повеќе од една апликација паралелно, а за почеток може да се симнуваат две апликации.
Според информациите, планирано е да се овозможи симнување на до пет апликации во исто време, но таа информација е неофицијална, па не може да знаеме дали ќе се оствари.
Google се’ уште ја нема потврдено оваа новина, а истата е забележана од страна на американските портали. Би требало да е пуштена за сите корисници на Android, но како и секогаш, процесот може да потрае повеќе недели.
Тоа што навистина би било корисно е можноста за симнување на повеќе од една апликација при процесот на ажурирање на апликациите. Се очекува Google да ја пушти оваа новина и за ажурирањето, но ќе почекаме да видиме дали и кога тоа ќе се случи.
Apple дозволува симнување на три апликации во исто време при процесот на ажурирање, што го прави доста побрз од тој на Android.
