Shazam, најпознатата апликација за препознавање на музика, сега оваа способност ја проширува и на музика од други апликации кои ги користи корисникот. Конкретно, корисниците сега ќе можат да препознаат некоја песна која ја слушаат на апликации како TikTok, Instagram или YouTube, па за истото веќе нема да им треба втор уред со инсталирана Shazam.
Според краткото објаснување на самата апликација, корисниците се што треба да направат е да притиснат на Shazam копчето, па да се вратат на апликацијата каде што е песната која сакаат да ја препознаат.
Shazam како и за другите ситуации, ќе го искористи микрофонот на уредот и ќе ја препознае песната која во моментот е пуштена на некоја од апликациите.
Инаку, Apple ја купи Shazam уште во 2017, па оваа апликација функционира и преку интеграција со iOS, односно корисниците можат на брз начин да откријат која песна ја слушаат преку контролниот центар на нивниот уред.
