Новиот дизајн на YouTube кој сè уште е во фаза на тестирање ги прави контролите на плеерот проѕирни. Иако промената се случува полека, што значи дека одредени корисници ја добиваат порано од останатите, вие можете да ја вклучите рачно.
Процесот е релативно едноставен, но има потреба од менување на кодот на одредени елементи.
Google Chrome
За Google Chrome ќе ви треба едитор на колачиња како што е екстензијата EditThisCookie.
Потоа, отворете YouTube и кликнете го копчето до адресата што е поставено од EditThisCookie.
Одете надолу и најдете ја линијата за VISITOR_INFO1_LIVE и кликнете на неа. Во полето за вредност заменете го текстот што е таму со Q06SngRDTGA и потоа кликнете го копчето за потврда.
Притиснете Refresh на страницата (можете и со притискање на F5) и новиот дизајн треба да е активен.
Firefox
За Firefox сè што треба да направите е да притиснете Shift+F2 (Function+Shift+F2 за Mac) и во долниот дел на просторот со алатки ископирајте го следниов код: cookie setVISITOR_INFO1_LIVE Q06SngRDTGA и потоа притиснете Enter.
Доколку би сакале да се вратите на оригиналниот изглед на плеерот и да почекате YouTube да ги направи промените официјални за сите, тоа можете да го направите на следниот начин:
Во Chrome притиснете на F12 додека сте на YouTube страната. Изберете Resources > Cookies > www.youtube.com и притиснете со десниот клик на VISITOR_INFO1_LIVE, па притиснете delete од менито кое што ќе се појави.
Во Firefox притиснете на Shift-F2 додека сте на YouTube, со што ќе се отвори Developer лентата. Внесете cookie list и изберете да го отстраните VISITOR_INFO1_LIVE колачето од листата.
Извор: Cnet
