Според истражување спроведено на 50.000 случајно избрани корисници од страна на RJMetrics, главните корисници на Pinterest социјалната мрежа се жените. Тие сочинуваат 80% од вкупниот број на избрани корисници, со што соодветно мажите ги остава со само 20%. Корисничките не само што се најмногубројни, тие се и активни од самиот почеток на оваа мрежа, односно 84% од нив се се’ уште активни од пред 4 години кога оваа социјална мрежа започна со работа.
Исто така жените се во големо водство во бројот на „пинови“, па така тие сочинуваат 92% од објавите на мрежата. Во изминатата година просечниот женски корисник има објавено околу 158 пинови. Од истражувањето може да се види и кои се категориите кои што се најпопуларни меѓу женските корисници, па така на прво место е категоријата Јадење и пиење со 20% од објавите, на второ место е категоријата занаети со 12% и третото место го има категоријата Домашен декор со 11%.
Дали сте корисник на Pinterest мрежата и дали мислите дека и во Македонија соодносот е ист помеѓу машките и женските корисници ?
Извор: RJMetrics
