Познатите Blockbuster од САД, иако се обидоа дури и на стриминг пазарот, сепак како бизнис кој почна со продавници за изнајмување на видео касети, не успеа да опстои, според коментарите, поради лошо менаџирање на променетите услови на пазарот.
Од повеќе од 9.000 продавници во деведесеттите, Blockbuster брендот остана достапен на само една продавница која се наоѓа во градот Бенд во сојузната држава Орегон во САД.
Во оваа продавница жителите на општината во која се наоѓа градот Бенд, ќе можат да резервираат преноќување каде ќе им бидат достапни неограничен број на филмови кои ќе можат да ги гледаат преку старите видео рекордери, односно од VHS касета.
Посетителите ќе имаат посебно прилагодено место во продавницата, каде ќе има тросед кој ќе се претвора во кревет, а ќе им бидат достапни и разни грицки и сокови.
Резервациите ќе се прават преку Airbnb и ќе чинат само 4 долари од вечер, а ќе бидат запазени сите потребни мерки за заштита од коронавирусот. Поради тоа, групно ќе може да доаѓаат само членови на исто семејство, односно нема да бидат дозволени собирања на друштва и слично.
