Најавата на Елон Маск дека ќе се сели од Калифорнија беше доволна да стане јасно дека во оваа држава се случува одреден тренд кој може да направи да таа веќе не се смета за центарот на ИТ компаниите во САД, па до некаде и светот.
Во разговор со The Wall Street Journal, Маск истакна дека ги има продадено своите куќи во Калифорнија и планира да живее во Тексас, каде ќе биде и поблиску до планираните нови локации на SpaceX и Tesla.
Причината за ваквата одлука тој ја гледа во „опуштањето“ на државата Калифорнија кои поради фактот што долго време се сметаа за број 1, тие веќе почнале да го земаат тоа место „здраво за готово“.
Оваа информација го привлече само повеќе вниманието кон нешто што изгледа станува тренд со најавите на повеќе компании дека ќе ги преселат своите седишта во Тексас, како и одредени директори кои ќе се преселат таму со местото на живеење, но и во друго држави.
Дел од компаниите кои се познати, а планираат да се преселат во Тексас се такви како Oracle, Hewlett-Packard и слични.
Во САД познато е дека државите функционираат различно во одредени делови, па бизнис климата не е иста секаде, а тоа беше и причината зошто Калифорнија стана позната по тоа што е веќе одамна.
