Канада, кои изминатите години станаа познати по „чудните“ закони и мерки, од септември ќе започне да им зема по 5% од приходите направени во земјата на големите „стриминг“ сервиси.
Тоа значи дека сервисите како Netflix, YouTube и другите, ќе треба да почнат да и плаќаат на државата 5% од приходите направени во Канада за Комисијата за радио-телевизија и телекомуникации.
Целта на законот којшто беше донесен минатата година, а ќе почне да се применува од септември оваа година, е да овие компании придонесат кон канадската и домородна содржина.
Се очекува дека во текот на една година овој закон ќе „собира“ околу 150 милиони долари, според проценките на КРТТ.
Ваквите закони обично донесуваат зголемување на цената на услугите, па ќе видиме дали тоа ќе биде и сега случајот.
