Kim Dotcom најмногу и стана познат на јавноста по затворањето на неговиот мегапознат сервис за размена на фајлови Megaupload. Овој сервис овозможуваше корисниците да прикачат одредени фајлови, обично големи за испраќање преку email и со тоа да ги направат достапни за симнување на сите кои што имаат линк. Се разбира, тоа не беше единствен таков сервис, а такви постојат и денес. Она што го издвојуваше Megaupload од другите, беше тоа што тој стана најмногу користен за размена на фајлови кои што не смеат да бидат разменувани, односно музика, филмови, серии, софтвер и слично, нешто што денеска се прави преку torrent страните.
По скандалите кои што се случија при обидите за затворање на сервисот, криминални истраги поврзани со Kim Dotcom и слично, сервисот престана со работа во 2012 година. Од тогаш Kim работи на развој на нов cloud сервис наречен Mega, како и уште неколку други проекти. Еден од проектите на Kim е и Baboom музичкиот сервис кој што треба да биде пуштен идната година. Овој сервис е еден вид на комбинација помеѓу сервисите кои што нудат симнување на музика и тие што нудат нејзин стриминг. Моделот на работа вклучува можност за бесплатно симнување и стриминг, како и можност за плаќање.
Една од клучните работи за функционирање на сервисот е, се разбира, правењето договори со луѓето од музичката индустрија, нешто што изгледа не им идело најдобро додека Kim е дел од оваа компанија. Како што истакнува тој на својот Twitter профил, музичката индустрија го мрази, па тој мора да ја напушти компанијата за таа да може да напредува.
Good bye @Baboom. I was holding u back. The music industry hates me. You’ll do better without me. Good luck my love. http://t.co/eByCsUizmR
— Kim Dotcom (@KimDotcom) October 2, 2014
Извор: Engadget, The Guardian
