Дали се сеќавате на сцената од култниот филм E.T., каде децата летаат со своите велосипеди над куќите, преку месечината, насекаде. Оваа фантазија набрзо може да стане и реалност, со најновата иновација на двајцата ентузијасти за летање John Foden и Yannick Read. Тие пред неколку месеци го претставија првиот во свет, целосно функционален летечки велосипед Paravelo.
Paravelo е велосипед на две тркала, со изглед ист како конвенционалните велосипеди. На него има прикачено лесна приколка во која се сместени, огромен вентилатор, гориво за моторот и флексибилно крило, со чија помош овој велосипед се трансформита во летечки објект. Сите негови делови се направени од алуминиум.
За да полета Paravelo потребен е долг и рамен терен. Приколката е поврзана со велосипедот, крилата потребно е да се развиорени и со само притискање на електричниот стартер се активира погонот за гориво на 294cc мотор и велосипедот полетува. Додека е во возух, тој може да достигне брзина од 40 км на час, и максимална висина до 1.200 метри надморска височина. Ова возбудливо летање може да трае до 3 часа и велосипедот се контролира како едноставен параглајдер.
За да се лета со овој велосипед не е потребна никаква дозвола, но се препорачува соодветна обука. Сепак, потребно е уште време за да го имаме во нашите домови. Со цел да се започне масовно производство и да се доврши дизајнот, Foden и Read собираат средства на Kickstarter и се надеваат дека ќе соберат околу 60.000 евра за оваа идеја да стане достапна за сите.
