Тим Кук ја посети Кина оваа недела, а причината за тоа се истакнува дека е падот на продажбата на новата iPhone 15 серија во споредба со ланските модели. Според информациите, iPhone 15 засега има пад на продажбата од 4,5%, што веднаш влијае на вредноста на акциите на Apple.
Кук ја посети Apple продавницата во Ченгду, каде се одржува „гејминг“ натпревар од познатата кинеска компанија Tencent и играта „Honor of Kings“. Тој објави и видео на „кинескиот Twitter“, Weibo.
iPhone 15 серијата започна да се продава со неколку проблеми пријавени од корисниците, а најголем од нив е проблемот со прегревањето на уредот, нешто што беше решено со надградба на iOS системот.
Во Кина дополнителен притисок прават и конкурентите како Huawei, Xiaomi и други, кои не се продаваат ни приближно многу во остатокот од светот. Apple во Кина може да се каже дека има доста посериозна конкуренција.
