Во понеделник – 11.05.2015 на ФЕИТ/МФС се одржа предавање за меки вештини (soft skills) организирано од група студенти при Факултетот за информатички науки и компјутерско инженерство (ФИНКИ): Емилија Ѓорѓевска, Оливер Ѓорѓевски, Нерма Муминовиќ, Стефан Стојановски и Дарко Ефтимов. Проектот е под менторство на проф. д-р Владимир Трајковиќ (Медиуми и комуникации).
Гостин – предавач беше Огнен Јанески (ТВ водител, новинар, колумнист, тренер по ораторство, дигитален PR, модератор / аниматор).
Беа присутни преку 100 студенти од целиот технички кампус, од различни години на студирање. Според организаторите, целта е да се едуцираат студентите за важноста на поседувањето на вакви вештини, со особен акцент на оние кои студираат на технички факултети, бидејќи таквите факултети не нудат обуки од овој контекст.
Сите кои не успеаа да присуствуваат на предавањето, видеата од истото можат да ги погледнат на следниот линк: https://www.youtube.com/playlist?list=PLP-u_t7VeFyt8vjtXcAiBNbGSVFwsGW9b
Повеќе за настанот можете да прочитате и на Facebook страната на следниот линк https://www.facebook.com/events/795280857216257/.
