Од 28 мај Windows 10 официјално ја доби својата најнова верзија, 2004, која го носи името May 2020 Update. Истата после период на стандардно тестирање преку Windows Insider програмата им стана достапна на сите корисници, за малку пред од Microsoft да треба да ја наречат Junе 2020 Update.
Новите надградби Microsoft ги пушта со помош на вештачката интелигенција, со цел да се минимизира бројот на проблематични надградби кои потоа корисникот треба да ги откаже, односно да го врати Windows 10 на претходната верзија.
Поради откриените уреди кои потенцијално може да имаат проблем со новата верзија од Windows 10, како што се на пример некомпатибилни „драјвери“, оперативниот систем сега ќе ги известува корисниците дека спаѓаат во оваа група, па Windows не може да им ја пушти најновата верзија.
Новина е известувањето кое ќе го добијат корисниците доколку притиснат самите на „Check for Updates“ копчето, па наместо само да добијат информација дека Windows 10 е на најновата верзија, тие сега ќе знаат дека за нив не може да биде пуштена надградбата која е достапна.
