Во најновата Insider Preview верзија од Canary каналот од Windows 11, Microsoft најави мала промена која влегува во категоријата на промени кои требало да бидат направени одамна.
Од компанијата го зголемија ограничувањето на големината на дисковите, односно „партициите“ кои се форматираат во FAT32 системот за датотеки. Ова ограничување одамна е поставено на 32GB, па сега истото се зголемува на 2TB.
За жал, оваа новина е достапна само кога се користи „format“ командата преку командна линија, но не и преку апликацијата во Windows 11 наменета за менаџирање на дисковите и партициите.
Тоа значи дека оваа новина сепак е направена за нешто поспособните корисниците, а мислам и дека генерално форматирањето на дискови е активност која бара одредено минимално знаење.
FAT32 како систем за датотеки е доста стар, па Windows веќе одамна функционира на NTFS. FAT32 системот е тука и е добар за компатибилност со други системи, па обично се користи кога некој диск се планира да се приклучи на друг компјутер со Linux, на пример.
