Мали беа шансите дека Windows Insider програмата нема да продолжи, но добро е кога има официјална информација, па корисниците може да бидат мирни.
Голем дел од корисниците не сакаат да чекаат додека новите функции и подобрување на Windows 10 бидат пуштени во официјалната верзија од оперативниот систем, па користењето на системот преку програмата е одличен начин за порано добивање на новите верзии.
Се разбира, голем дел од овие корисници се постручни, па значително помагаат во процесот на откривање на багови и други грешки во кодот, а сите корисници заедно покажуваат кои функции се барани или недоволно развиени.
Потврдата дека Windows Insider програмата доаѓа директно од нејзиниот главен човек, Дона Саркар која како одговор на прашање на Twitter ја потврди информацијата.
Таа истакнува дека програмата досега функционирала прилично одлично, па дефинитивно ќе продолжат да ги развиваат и пуштаат Preview верзиите од оперативниот систем и после надградбата.
@Yogesh_Rya we will definitely keep pushing builds post-anniversary update. This system seems to work pretty well.
— Dona Sarkar (@donasarkar) July 5, 2016
Инаку, Anniversary Update ќе стане достапна за корисниците на Windows 10 од 2-ри август. Истата донесува повеќе подобрувања како екстензии за Edge, подобрен систем за работа со е-пенкалца и повеќе.
