Ubuntu 15.04 беше претставен во април минатата година, а на 4-ти овој месец му заврши официјалната поддршка од страна на Canonical. Тоа значи дека оваа верзија од Ubuntu веќе нема да добива безбедносни надградби, исправки, како и нови верзии од Ubuntu архивите.
Начинот на којшто функционираат верзиите на Ubuntu, односно времето во коешто им следува поддршка и надградби е поделен на два вида. Долгорочна поддршка (LTS) за којашто следува поддршка од 5 години и стандардна поддршка којашто трае 9 месеци.
Тоа значи дека корисниците коишто сепак не ја користат некоја од уште поддржаните долгорочни верзии од Ubuntu, односно Ubuntu 12.04 и Ubuntu 14.04, препорачано е да ја инсталираат најновата достапна верзија од оперативниот систем.
Најновата верзија е Ubuntu 15.10 и оваа верзија ќе биде поддржана до 22-ри јули оваа година.
Достапните LTS верзии ќе бидат поддржани до 26-ти април 2017 година за 12.04 верзијата и до 17-ти април 2019 година за 14.04 верзија.
Надградбата од Ubuntu 15.04 на 15.10 е нешто што го препорачуваат и од Canonical, а начинот тоа да се направи е преку вградениот систем за надградби.
Извор: OMGUbuntu
