Netflix може да се каже дека веќе има доволно конкуренција за разлика до пред некоја година, па од компанијата очекувано е да се потрудат повеќе да го привлечат вниманието на корисниците кои уште се немаат одлучено да се претплатат на сервисот.
Прилично добар и веќе познат начин да се привлечат нови корисници е да им се овозможи да пробаат од производот, па иако Netflix им нуди на тие што првпат се приклучуваат проба од 7 дена, сепак доста од корисниците го имаат искористено овој период.
Преку посебна страна Netflix ќе им овозможи на тие без сметка од сервисот, бесплатно да гледаат дел од филмовите и сериите. Се што треба да се направи е да се отиде на оваа адреса https://www.netflix.com/watch-free и може да се почне да се гледа.
Сепак, има неколку ограничувања, а тоа е можност за гледање само на првата епизода од сериите, како и поддршка за гледање преку десктоп прелистувач или преку Android. Мобилниот прелистувач на iOS не е поддржан, а исто така оваа содржина не може да се гледа преку апликациите на Netflix.
Бројката на достапна содржина не е нешто посебно голема, но е доволна корисниците да видат што може да гледаат доколку се одлучат да се претплатат на сервисот. Дел од содржината ги вклучува серијата Stranger Things, филмовите Murder Mystery, Bird Box, како и The Two Popes.
