Загреб, март 2020 г. – Pickbox NOW, хрватската SVoD услуга, стана член на сојузот European VOD Coalition, заедно со водечките стриминг сервиси: Netflix, Discovery, Sky Media, CHILI, FilmDoo, Nordic Entertainment Group AB, Univerciné Belgium, TVN и ContentScope.
Со влегување во коалицијата, Pickbox NOW ги претставува земјите од регионот Adria во мисија за регулирање на европскиот телевизиски пазар. Освен во Хрватска, услугата е присутна и во Србија, Босна и Херцеговина, Македонија, Словенија и Црна Гора за која ја преведува целата содржина на четири јазици од регионот.
Коалиција за регулирање на европскиот VOD пазар
European VOD Coalition е здружение на водечките компании за видео на барање (VOD) чијашто заедничка мисија е да ги информира јавноста, носителот на одлуките и регулативните тела за важноста и специфичноста на европскиот VOD сектор. Притоа, приоритети се регулација на медиумскиот и аудиовизуелниот сектор и дефинирање на авторските права во филмската и телевизиската продукција и дистрибуција.
Членките на коалицијата споделуваат заеднички цели и принципи, вклучувајќи:
- Поддршка за европскиот аудиовизуелен и стриминг сектор при создавање на европски содржини и нивно промовирање пред публиката на светско ниво
- Поттикнување на иновации при создавање на филмски и телевизиски содржини
- Поттикнување креативност и иновации во развојот на онлајн забавата
- Обезбедување поопширни содржини за крајниот потрошувач
При влегувањето во European VOD Coalition, Сања Божиќ-Љубичиќ, сопственичката и директорка на компанијата Pickbox, изјави:
„Се гордееме што Pickbox NOW е во друштво на водечките европски VOD услуги со кои ги споделува заедничките цели. Заедно со изградбата на европско аудиовизуелно и дигитално лидерство и поттикнувањето на иновации и креативност, регулацијата на пазарот секако е еден од приоритетите. Индустријата минува низ значителна преобразба и горди сме што притоа го претставуваме регионот Adria во рамките на коалицијата.“
Соработка со најголемите телекоми во регионот Adria
Pickbox прв во Хрватска ги популаризираше SVOD услугите и во 2014 година ја запозна публиката со медиумската преобразба која денес ја спроведуваат и предводат светски познати компании.
Влегувањето во коалицијата претставува уште едно значително достигнување на оваа услуга на барање, која со текот на годините оствари партнерство со најголемите телекоми во регионот: United Group (SBB, Telemach Slovenija, Telemach Bosna i Hercegovina, Telemach Crna Gora, Total TV Srbija, Total TV BiH, Total TV Slovenija, Total TV Crna Gora) Hrvatski Telekom, mts (Telekom Srbija, mtel Bosna i Hercegovina, mtel Crna Gora), Makedonski Telekom, Telekom Slovenije и T2.
Pickbox NOW можете да го гледате преку компјутер, Android и iOS мобилни уреди, Android Smart телевизор или преку користење на Chromecast.
ЗА УСЛУГАТА НА БАРАЊЕ PICKBOX NOW:
Pickbox NOW го носи најдоброто од холивудската и европската продукција од светот на сериите и филмовите преку онлајн услугата за видео на барање и преку понудата на одбраните телекомуникациски оператори во Хрватска, Србија, Словенија, Македонија, Босна и Херцеговина и Црна Гора.
