Google додава уште една функција како дел од Premium претплатата која е достапна за YouTube, како и YouTube Music. Корисниците сега за да можат да го гледаат текстот од песната која ја слушаат ќе мора да бидат претплатени, односно оваа функција веќе не е бесплатна.
Информацијата ја откриваат од 9to5Google порталот, а истакнуваат дека веќе овој период промената треба да ја очекуваат сите корисници во светот.
Корисниците кај кои оваа новина е пуштена ќе можат да го забележат истото преку нова лента на која пишува колку песни се останати на кои можат да го гледаат текстот, по што ќе мора да се претплатат на Premium претплатата.
Текстот под оваа лента станува заматен кога ќе се искористат последните бесплатни прегледи, по што корисниците ќе мора да најдат друг начин за да го гледаат текстот од песните, доколку не сакаат да се претплатат.
