Одличното портфолио на смартфони на Motorola (сега под капата на Lenovo), наскоро ќе биде збогатено со уреди наменети за оние со поплиток џеб. Се работи за Moto C и C Plus, за кои веќе ги имаме првите, нормално протечени информации и дури и фотографија од уредите..
Се работи за смартфони од апсолутно најниската класа, за што најдобро зборува резолуцијата на екраните – кај Moto C таа изнесува смешно ниски 854х480 пиксели, додека кај Moto C Plus е HD резолуција. И двата модели имаат големина од 5 инчи на екраните, што значи дека разликата ќе биде главно во перформансите.
Кога сме кај нив, Moto C и C Plus ќе бидат опремени со MediaTek чипови и 1-2 GB рам меморија, зависно од моделот. Батеријата кај послабиот модел ќе има само 2.350 mAh, но затоа таа кај C Plus ќе трае со денови – има 4.000 mAh! Камерите сепак не се ништо особено – Moto C ќе има 5 мегапиксели задна камера, додека C Plus ќе има задна камера од 8 мегапиксели. И двата модели ќе бидат опремени со прилично чиста верзија на Android Nougat 7.0, што е одлична вест.
Она што сѐ уште не е познато е цената, но според тоа што нудат овие два телефони, не е тешко да се претпостави – очекувајте цената на Moto C да биде околу 100 евра, а на Moto C Plus околу 150 евра.
Извор: TechnoBuffalo, NDTV, Engadget
