Според информациите до кој што има дојдено порталот Digitimes преку набавувачи на материјали, Google планира наредната верзија од Nexus таблетот да биде со 8 инчен екран, наместо 7-те инчи на досегашните два модели, односно наредниот модел би бил Google Nexus 8. Според нив вакво нешто се планира поради слабата побарувачка и продажба на актуелниот Google Nexus 7 2013. Овој модел се продава послабо поради конкурентните модели во оваа категорија кои што се со пониска цена, а исто така продажбата е послаба во споредба со првиот Nexus 7 2012.
Исто така според изворот доаѓа и информацијата за можно користење на Intel’s Bay Trail-T процесорот, покрај до сега користениот Snapdragon од Qualcomm.
Од наше искуство кога се работи за овие помали таблет компјутери, 8 инчен екран е многу попрактичен и подобар за користење во споредба со 7 инчниот, барем во споредбата при користење на Nexus 7 и iPad Mini моделот кој што има 7,9 инчи.
Можната дата кога би бил претставен новиот Nexus е некаде на средината на оваа година, односно на Google I/O конференцијата која што обично се одржува околу Јуни.
