Кои ќе бидат уредите кои што ќе го носат брендот на Google за оваа година е нешто што е предмет на шпекулации веќе одреден период. Веќе можевме да прочитаме за планот на Google наредниот таблет компјутер да биде нешто поголем од Nexus 7 моделот, односно тој да го носи името Nexus 8 и соодветно големината да биде популарната од 8 инчи. Оваа информација која што кажува дека производителот овој пат треба да биде HTC е исто така непотврдена. Се разбира тука е и наредниот паметен телефон за кој што се очекува да го носи името Nexus 6.
Сепак официјална потврда од страна на Google нема за вистинитоста на шпекулациите. Информацијата за тоа дека се работи на овие два модели доаѓа од страна на Florian Kiersch и Carsten Knobloch кои што имаат дојдено до овие имиња прегледувајќи код од Chromium проектот кој што е open source. Се работи само за спомнување на имињата, па повеќе информации нема, а не е сигурна и нивната точност.
Се ближи Google I/O настанот кој што се одржува во Јуни, па нема уште многу да треба да чекаме да дојде крајот на шпекулациите и да видиме официјално што е тоа на кое што од оваа компанија работат за оваа година.
Извор: BGR
