Samsung Galaxy Note 4 се очекува да биде претставен за нешто помалку од еден месец, поточно на 3-ти Септември на закажаниот Unpacked 2014 Episode 2 настан. До тогаш, како и обично, ни останува да ги следиме големиот број на неофицијални информации, слики и видеа кои што доаѓаат од разни извори.
Денес достапни се слики објавени од страна на GSMArena за кои што се тврди, а и најверојатно се од очекуваниот Note 4. Од сликите може да се види дека телефонот ќе доаѓа со нешто поразличен дизајн и материјал, но сепак ќе ја задржи карактеристичноста за оваа серија на уреди од Samsung.
Задниот дел од уредот повторно ќе биде направен од пластика и изглед кој што треба да асоцира на кожа. Меѓутоа за разлика од минатогодишниот модел, овој пат тоа ќе направено на друг начин, а исто така исклучена ќе биде и имитацијата на шевови од конци. Она што би требало да биде добро прифатено од корисниците, а и веќе одреден период очекувано е металната рамка од која што ќе биде направен телефонот. Користењето на метал кај телефоните секогаш остава поквалитетен впечаток и на корисниците тоа им се допаѓа, посебно во споредба со многу години користената пластика од страна на Samsung кај поскапите модели.
Од тоа што може да се види од сликите, исто така се очекува Note 4 да го вклучува и сензорот за пулс воведен во S5 моделот, нешто што е најавено како можност и од достапните неофицијални информации.
Извор: GSMArena
