Xiaomi е кинеската компанија која што полека се приближува на најголемите производители нудејќи одлични уреди по може да се каже нормални цени. Оваа компанија е исто така позната по MIUI преработката на Android, која што е позната кај корисниците кои што го менуваат стандардниот софтвер со кој што доаѓа нивниот телефон.
Оваа недела Xiaomi го претстави нивниот најнов мобилен телефон Mi 4 и тој доаѓа со одлични карактеристики. Уредот е одлично дизајниран и според одредени портали тој наликува на најновите iPhone модели. Рамката е направена од метал, додека задната страна од пластика која што може да биде заменета за разни стилови. Xiaomi Mi 4 доаѓа со 5 инчен екран со резолуција од 1920 x 1080 пиксели и како што би се очекувало работи на најновата верзија од MIUI. Од другите карактеристиките Mi 4 вклучува:
- 2,5 Ghz Snapdragon 801 процесор
- 3GB RAM меморија
- Избор помеѓу 16 и 64 GB внатрешна меморија
- 13 мегапикселна задна камера и 8 мегапикселна предна камера
- 3.080 mAh батерија
- LTE и Wi-Fi 802.11ac конецкија
- Infrared за контрола на телевизори и други уреди
На почетокот Mi 4 ќе се продава во Кина, меѓутоа нема повеќе информации за тоа кога ќе биде достапен во остатокот од светот. Цената по која што ќе се продава е 320 долари за моделот со 16GB меморија и 400 долари за моделот со 64GB меморија.
