YotaPhone е мобилен телефон кој доаѓа од Русија, па покрај таа информација она што го прави навистина интересен се двата екрана, еден на стандардната предна страна, но и уште еден на задната страна. Задниот екран е направен во познатата и енергетски ефикасна технологија, популарно наречена e-ink.
Она што сепак недостигаше како можност на задниот екран е можноста за читање на книги од познатите сервиси како Amazon Kindle или Google Books, што е навистина чудно кога ќе се земе во предвид дека овие екрани станаа познати баш за таа можност. Рускиот производител сепак ги слушна овие забелешки и направи чекор кон подобрување на овој недостаток.
Поточно YotaPhone сега ја има можноста за читање на е-книги преку FBReader апликацијата која што има поддршка за Word и RTF документи, како и за .epub и .mobi форматите. Сепак ова нема да биде финалното решение, па се најавува можна соработка на YotaPhone со Amazon за воведување на поддршка за Kindle.
