Американското здружение за хемија, односно одделот за воени истражувања, претстави технологија, која сѐ уште е во развој, а која вклучува комбинација од сребрени нано-жици и традиционални материјали, со цел да ги заштитат војниците од екстремни студови.
Имено, се работи за хибриден материјал чија главна намена би била заштита од екстремни студови со користење на само еден слоој облека. Материјалите кои би се користеле за производство на хибридниот материјал би го направиле одличен спроводник, па така, со мало количество на електрична енергија би можело да се создаде доволно топлина која би го заштитила телото од студ. Се работи и на развој на технологија со која носителот на ваквиот „костум“ би можел прецизно да ја контролира температурата, а стручњаците велат дека технологијата би можела да се најде и на комерцијалниот пазар.
Според некои информации со користење на ваквата технологија, температурата на материјалот би можела да достигне до дури 110 целзиусови степени, што претставува огромен потенцијал и несомнено ефикасно би можело да ги замени 7-те слоја облека кои ги вклучува армиската униформа наменета за екстремни услови.
Извор: Quartz
