Речиси една третина од сите луѓе страдаат од мачнина при патување. Тие доживуваат вртоглавица, мачнина и потење додека патуваат. Samsung претстави решение за проблемот: бесплатната апликација Hearapy, кога се користи во комбинација со Galaxy Buds4 Pro, користи прецизна синусоидна бранова должина од 100 херци. Благодарение на широкиот фреквенциски опсег и интелигентното поништување на бучавата, слушалките од најновата генерација го репродуцираат овој тон јасно и моќно. Ова го стимулира вестибуларниот систем и може да ги ублажи симптомите. Иновативното решение се заснова на истражувачки наоди од Универзитетот Нагоја во Јапонија
Скопје, 6 април 2026 година – Лет до одморалиштето, возење со воз за да се сретнете со деловен партнер и одеднаш се појавува мачнина. Мачнината при патување може да го претвори секое патување во вистинска мака. Предизвикана е од конфликт во внатрешното уво: вестибуларниот систем го регистрира движењето, додека очите гледаат нешто неподвижно, како екран на паметен телефон или книга. Телото реагира со стрес. Досега, единствените лекови беа медикаменти со можни несакани ефекти или пак акупресура. Сега, „Samsung“ воведува ново, ефективно решение засновано на научни откритија: апликацијата Hearapy во комбинација со Galaxy Buds4 Pro.
„Нашата иновација помага патувањето да биде поспокојно. Во својата основа е јасен бас синусоиден бран од 100 херци што се репродуцира преку Galaxy Buds4 Pro. Ова го стимулира вестибуларниот систем во внатрешното уво, овозможувајќи му на телото поефикасно да ги обработува движењата”, беше потенцирано од „Samsung Electronics“ за време на претставувањето на апликацијата. „Потребни се само 60 секунди. Без таблети, без несакани ефекти. Решението импресивно покажува како нашите иновации ги поедноставуваат и ги подобруваат животите на многу луѓе.”.
Лабораториски услови во движење
Развојот на ова решение се заснова на наодите од Универзитетот Нагоја во Јапонија. Истражувачите спроведоа експерименти за да утврдат кој тон најефективно го стимулира вестибуларниот систем. Резултатот укажува дека слушањето тон од 100 херци на јачина од 80 до 85 децибели во времетраење од 60 секунди може да го подобри балансот.
Истражувачите успеале да го применат ова откритие кај луѓе кои страдаат од мачнина при патување. Испитаниците доживеале значително помалку стрес и помалку симптоми за време на патувањето со автомобил. Ефектот може да трае до 2 часа. Сепак, тој функционира само ако нема музика или други звуци кои го попречуваат синусоидниот (чистиот) тон. Покрај тоа, фреквенцијата мора да биде точно 100 херци и двете уши мора да бидат изложени на звукот најмалку 1 минута пред патувањето. Samsung Galaxy Buds4 Pro, во комбинација со бесплатната апликација Samsung Hearapy, помагаат да се создаде пријатно искуство при патување, без разлика дали е тоа со авион, автомобил или воз.
Богат, чист звук од 100 херци
Бесплатната апликација Hearapy го репродуцира научно докажаниот бас тон преку вашиот Galaxy паметен телефон. Вградениот тајмер го обезбедува точното времетраење од 60 секунди, додека контролата на јачината на звукот го поставува нивото на 85 децибели. Тоа е отприлика исто толку гласно како косилка.
Samsung Galaxy Buds4 Pro го пренесуваат звукот од 100 херци чисто и моќно. Ова е обезбедено со максимизирана осцилирачка површина и минимизирање на работ на звучникот. Како резултат на тоа, ефективната површина на средниот-бас драјвер е речиси 20% поголема отколку кај претходниот модел. На ова се додаваат и подобрениот двонасочен звучник и Bluetooth – врската преку „Samsung Seamless Codec Ultra High Quality“ (SSC-UHQ). Ова овозможува детален, премиум Hi-Fi звук со непрекината поддршка за аудио со 24-битна/96 kHz резолуција, што е предуслов за прецизна репродукција на фреквенцијата од 100 Hz.
Слушалките од најновата генерација исто така имаат ефикасно адаптивно активно поништување на бучава (Active Noise Cancelation – ANC). Вкупно шест микрофони ја детектираат амбиенталната бучава, како разговори и бучава од мотор. Интелигентниот систем за поништување на бучава генерира соодветни антифазни сигнали за да ги елиминира нарушувачките звуци.
Дополнително, тука е и адаптивниот еквилајзер (Adaptive EQ). Напредните алгоритми во реално време ја анализираат положбата на носење на слушалките, обликот на увото и амбиенталниот шум и соодветно динамички ја прилагодуваат репродукцијата на звукот. Ова овозможува синусоидалните бранови да го стимулираат чувството на рамнотежа непречено, со постојана јачина на звук, и да го постигнат својот целосен ефект.
