Бар-кодовите се дел од сите производи веќе педесетина години и ги сметаме како стандарден дел од пакувањето, обично поврзан со наплатата во маркетите, но не и со некоја корист за купувачот.
Сепак, со години веќе гледаме друг тип на кодови кои на друг начин ги испишуваат информациите, а тие можат да бидат многу поголеми. Таканаречените 2D бар-кодови, еден пример за нив се QR кодовите, можат да овозможат многу повеќе, како за маркетите, така и за купувачите.
Според трендот во неколку земји, се верува дека овие кодови ќе ги заменат старите бар-кодови до 2027 година. Не сме сигурни дали овој тренд ќе го следат баш сите производи, но доколку најголемите тоа го направат, мали се шансите другите да не следат.
Префрлувањето на овој вид на бар-кодови донесува нови можности за маркетите, но за првпат би овозможиле предности и за купувачите. Моменталните бар-кодови можат да содржат мал број на информации и тие во главно се користат за читање на цената на касите.
Новите кодови можат да содржат многу повеќе информации, а купувачите можат да ги скенираат со своите смартфони, па да добијат информации како на пример за состојките на производот, одредени рецепти, каде и како е произведен и многу повеќе.
За маркетите, овие кодови би овозможиле многу подобра организација на производите, додавање на попусти за тие кои се пред крајот на рокот и многу повеќе.
Ќе видиме дали оваа промена навистина ќе се случи во годините што следат.
