Изминатите неколку години може да се каже дека нема недостаток на нови Star Trek серии. Некои добро ја продолжуваат традицијата на одличните постари серии, но за некои може да се каже дека подобро да не биле направени.
Најнова Star Trek серија, која треба да стане достапна од 5 мај оваа година, е Star Trek: Strange New Worlds. Оваа серија ќе биде достапна за стриминг на Paramount+ сервисот, што значи ќе биде достапна во САД и уште неколку други земји.
Со оглед на најавата за достапност на SkyShowtime стриминг сервисот во Македонија од оваа година, на која покрај другите, ќе има и содржина од Paramount+, можеби може да се очекува достапност на новата серија и кај нас.
Star Trek: Strange New Worlds приказната ќе биде поврзана со Капетанот Кристофер Пајк, кој е капетан на познатиот Ентерпрајз пред доаѓањето на Капетан Џејмс Т. Кирк на неговото место.
Кристофер Пајк можевме да го видиме досега во поновите филмови Star Trek, како и во Star Trek: Discovery, што значи за фановите на Star Trek ова нема да биде нов лик.
Главната актерска екипа исто така ќе биде позната од претходните филмови и серии, односно веќе ги гледавме Капетанот Пајк, како и актерот Итан Пек кој го игра Спок.
Првиот официјален трејлер од новата серија е достапен, па можете да го погледнете на следниот линк.
https://intl.startrek.com/videos/watch-star-trek-strange-new-worlds-official-trailer
