OpenAI, при претставувањето на GPT-4o јазичниот модел минатиот месец, ја најави и првата десктоп апликација за ChatGPT. Истата прво ќе биде достапна на macOS, по што до крајот на годината се најавува и за Windows.
Корисниците кои плаќаат за ChatGPT можеа да ја пробаат десктоп апликацијата, а истата сега им е достапна на сите корисници, односно на сите корисниците на macOS кои имаат компјутер кој работи на некој од М чиповите од Apple.
Апликацијата е едноставна, како и веб страната, а тоа што е навистина корисно е можноста да се користи како еден вид на замена за Spotlight. ChatGPT може да се активира како мала лента на средината од екранот, исто како Spotlight, па корисниците директно тука да го започнат разговорот со „чет ботот“.
Кратенката на тастатурата е поставена на „option + spacebar“, но истата може да се промени во нешто друго што ќе им одговара повеќе на корисниците.
Покрај можноста за започнување на стандарден разговор со ChatGPT, преку лентата може да се направи слика од екранот, да се прикачи датотеки, како и да се направи слика. Ова се стандардни работи со кои може да функционира ChatGPT, покрај со текст.
Добро е што од аспект на приватноста, а таков е macOS како систем, ChatGPT не се интегрира во другите апликации, односно содржината од нив мора да биде копирана и пренесена во апликацијата за да може да се работи со неа.
ChatGPT десктоп апликацијата за macOS е достапна преку овој линк.
