Доста реакции предизвика воведувањето на дополнителни царини за сите земји кои извезуваат во САД, меѓутоа таа одлука подоцна беше одложена за наредните три месеци.
Тоа што остана се царините кон Кина, кои беа и дополнително зголемени поради воведувањето на повисоки царини од кинеска страна. Поточно, Трамп реши да додаде дополнителна стапка на царина од 125%, а кога ќе се додаде на претходната стапка од 20%, значи дека производите увезени од Кина во САД ќе се царинат со 145%.
Ова секако предизвика доста реакции, а во главно поврзани со ИТ компаниите кои во голем дел зависат за производството на своите производи од Кина. Трамп цело време тврди дека неговата цел е производството да се донесе во САД, но според некои тоа не би било возможно, а во голем дел и поради достапните стручни лица во доволно голем број.
Трамп неколку дена подоцна донесе одлука да се исклучат од дополнителната стапка на царинење од 125% одредени производи, а тие во главно се компјутери, смартфони, чипови и слични електронски производи.
Покрај оваа одлука, не е познато што ќе се случува со царинската политика кон Кина, а се очекува и воведување на дополнителни царини за ваквите производи, само под друга категорија.
Трамп имаше „проблем“ со Кина уште од неговиот прв мандат, па ќе видиме што ќе се случува во периодот што следи.
