Firefox, познатиот интернет прелистувач од Mozilla стигна до 30-та верзија која што е достапна за симнување или надградба. За разлика од претходната верзија која што вклучуваше повеќе промени, меѓу кои и целосно новиот дизајн наречен Australis, оваа верзија спаѓа во помалите надградби и не вклучува поголеми промени. Firefox 30 е достапен за сите корисниците, односно новата верзија можат да ја симнат корисниците на Windows, Linux, OS X и Android.
Новините во најновата верзија од прелистувачот за десктоп корисниците ги вклучуваат:
- Копче за пристап до страничните ленти (Sidebars button) кое што овозможува од едно централно место да пристапите до лентите како bookmarks, history, ленти од социјалните мрежи и слично
- Поддршка за GStreamer 1.0
- Plugin додатоците нема автоматски да се вклучуваат, освен тие што се дел од листата на дозволени или дел од друга екстензија
Целосната листа на промени, како и промени за програмерите, можете да ја погледнете на следниот линк.
Покрај десктоп верзијата, надграден на верзија 30 е и Firefox за Android корисниците, а во оваа верзија нови се следните работи:
- Можност за додавање на веб страни на вашиот home екран
- Quickshare икони во Контекст менито, односно менито кое што се отвора со подолго притискање на некој линк
- Додадени повеќе нови јазици
Целосната листа на промени за Android верзијата можете да ја видите на следниот линк.
Firefox 30 можете да го симнете на десктоп, како и преку Play Store за Android. Доколку веќе го користите прелистувачот, истиот автоматски ќе се надгради доколку така е прилагоден или можете мануелно да го надградите.
