Познатиот актер Вилијам Шатнер, најверојатно на повеќето најпознат по улогата на капетанот Џејмс Тибериус Кирк во првата Star Trek серија од шеесеттите години, оваа недела наполни 90 години. Тој сепак изгледа одлично и воопшто не би можел некој да погоди дека има дури 90 години.
За неговиот 90-ти роденден тој најави дека ќе стане бренд амбасадор на компанијата StoryFile и нивната StoryFile Life услуга која им овозможува на луѓето да направат од себе интерактивна верзија со помош на вештачка интелигенција.
Тоа значи дека луѓето ќе можат да комуницираат со Шатнер, односно неговата ВИ верзија уште долго време. ВИ верзијата нема да биде анимација или нешто слично, туку ќе биде направена од вистински снимки од Шатнер, кој овој период ги снима потребните снимки за креирање на ВИ верзијата.
Покрај како капетан Кирк, Шатнер е доста познат и по улогите на Дени Крејн во серијата Boston Legal, како и TJ Hooker во истоимената серија. Роден е во Канада во 1931 година, а својата актерска кариера ја започнува на 20 години.
