Иако остануваат уште само неколку денови до Unpacked5 настанот на Samsung на кој што се очекува да биде претставен Galaxy S5 моделот, шпекулациите и информациите поврзани со него не престануваат да се појавуваат на интернет. Веќе неколку пати се шпекулираше за можноста S5-ката да има QHD екран со резолуција од 2560 × 1440 и густина на пикселите од 560 ppi. Исто така имаше и информации кои ги демантираа претходните кои велеа дека сепак Samsung нема да користи QHD екран во новиот модел.
Денеска нови информации покажуваат дека Samsung има проблем да произведе доволна количина, но и квалитет на QHD екрани, па Galaxy S5 моделот ќе биде претставен со Full HD резолуција од 1920 x 1080 пиксели овој месец, односно со таков екран ќе почне да се продава идниот месец. Меѓутоа Samsung планира да претстави понов, односно таканаречен Premium модел од S5 само неколку месеци подоцна кој што ќе доаѓа со QHD екран.
Големината на екранот на S5-ката се очекува да биде 5,1 инчи или некаде во тие граници. Информациите доаѓаат од корејскиот портал etnews.com и се разбира не се потврдени.
Дали користите некој од мобилните на Samsung и дали чекате да биде претставен овој модел за да го смените вашиот моментален телефон ?
