Apple денеска го најави одржување на годинешната 26-та по ред WWDC (Word Wide Developer Conference) конференција. Истата ќе почне на 8-ми Јуни и ќе трае до 12-ти Јуни, а ќе се одржува во Moscone West центарот во Сан Франциско.
На конференцијата се најавува да се говори за иднината на двата оперативни систем од компанијата, односно за натамошниот развој на iOS и OS X. Исто така, од Apple најавуваат дека настанот ќе вклучува повеќе од 100 технички презентации од страна на инженери од компанијата, повеќе од 1000 Apple инженери, пристап до најновите иновации, функции и можности на оперативните систем и многу повеќе.
На минатогодишната конференција Apple ја претстави најновата верзија од iOS, односно iOS 8, па оваа година може да се очекува да се говори за наредните верзии. Според некои може да се очекува претставување барем на основни информации за тоа што може да се очекува од iOS 9, како и OS X 10.11.
Извор: Apple
