Корисниците на macOS добиваат нова апликација од WhatsApp која е целосно редизајнирана и прилагодена за десктоп компјутерите. Оваа промена следи по пуштањето на новата апликација за Windows корисниците пред пет месеци, а истата беше редизајнирана еднаш и минатата година.
Со пуштањето на новата WhatsApp апликација и на macOS, може да се каже дека сега сервисот има унифицирано искуство низ сите платформи. Иако постојат одредени разлики, сепак апликацијата сега изгледа скоро исто на Windows и macOS, а промените донесоа и доста сличности со мобилната апликација.
Корисниците на macOS со нова нова верзија од WhatsApp за првпат добиваат можност за групни повици. Истите се овозможени за до 8 корисници за видео повиците, како и 32 корисници за аудио повиците.
Дополнително, апликацијата сега поддржува и споделување на датотеки со едноставно повлекување директно во апликацијата, а е истакнува и подобрување во делот за историја на повици.
Исто како и на другите платформи, комуникацијата преку WhatsApp се шифрирана, па теоретски до истата не може никој да пристапи, па дури ни од компанијата, односно Meta.
Апликацијата ќе биде достапна преку App Store на macOS наскоро, а моментално може да се симне преку whatsapp.com.
