Сопствениците на Tesla автомобил, овој месец добија надградба на софтверот која што го вклучуваше сега веќе познатиот автопилот систем. Овој систем, кој што се’ уште е во бета, е направен со цел да ја подобри безбедноста на автомобилот, следејќи ги останатите објекти во сообраќајот, патиштата, лентите и слично. Исто така, тој може и целосно да ја преземе контролата на автомобилот, па станува еден вид на понапреден темпомат.
Од видеата кои што почнаа да излегуваат на интернет можевме да видиме како овој систем функционира, а исто така и зошто ја носи бета ознаката. Не ретко настанатите проблеми беа и од не целосно разбирање на системот од страна на возачите, меѓутоа тоа е секогаш очекуван фактор.
Елон Маск преку својот Twitter профил најави дека овој систем ги добил сите потребни лиценци за да може да се користи и во остатокот во светот, не само во САД. Системот не бил одобрен само во Јапонија, меѓутоа се разбира до компанијата ќе работат на тој случај.
Маск исто така ја најави и наредната верзија од системот, поточно 1.01, која што треба да донесе подобрувања на сите аспекти во возењето.
Regulatory approvals received, so Autopilot rolling out to all countries! (Excluding Japan, which is still under review)
— Elon Musk (@elonmusk) October 23, 2015
Autopilot 1.01 coming soon: curve speed adaption, controller smoothness, better lane holding on poor roads, improved fleet learning! — Elon Musk (@elonmusk) October 23, 2015
