Помладите сигурно немаат ни слушнато за Teletext, а за постарите ова е одлично потсетување за оваа стара, но доста корисна технологија која беше популарна во главно некаде до 2000-тите години. Во основа се работи за можност за прикажување на текст на телевизорите од страна на каналите, а со тоа им се овозможуваше на гледачите да прочитаат повеќе информации, во време кога интернетот уште не постоеше или не беше толку масовно користен.
Иако Teletext бил замислен да се користи за повеќе, во главно оваа функција беше корисна за да се види програмата на каналите, како и да се прочитаат повеќе информации за филмовите и сериите.
Целосно имав заборавено на Teletext, па кога наидов на видеото во продолжение, ми беше едно од поинтересните видеа изминатиот период.
