Сигурно повеќето од нас го имаме видено дизајнот на новото седиште кое што Apple го гради веќе неколку години. Истото најчесто се споредува со вселенски број, поточно летечка чинија, што кога ќе се види изгледот, веднаш станува јасно зошто е тоа така.
Седиштето на компанијата се гради на површина од повеќе од 260 хектари. Целиот објект ќе се издржува самиот, односно потребната енергија ќе се добива од самата локација, што го прави објектот навистина еколошки. Се разбира, тука на помош е и самата градба која што ќе биде направена според најновите еколошки стандарди.
Во продолжение можете да погледнете до каде е изградбата на објектот која што треба да биде завршена до крајот на идната година или почетокот на 2017. Видеото е снимено од страна на фотографот Duncan Sinfield и е направено со помош на дрон. Снимката покажува до каде е градбата на 1ви септември, а има и споредба со истата пред еден месец. Исто така, во видеото интересно е вметнато видеото и аудиото од Steve Jobs како говори пред општинските власти за добивање на дозвола за градење на објектот.
Извор: The Verge, FastCompany
