Honda, познатиот јапонски производител на автомобили, оваа недела беше погоден од вирус, најверојатно од категоријата на „ransomware“, односно вируси кои ги заклучуваат и шифрираат податоците и за нивното отклучување се бара откупнина, односно да се плати на хакерите.
Проблемот којшто е настанат бил доволно голем за да биде прекинато производството во фабриките на компанијата низ светот, а тие постепено се враќаат во функција.
Покрај фабриките, престанале да функционираат и финансиските сервиси, како и корисничката поддршка на компанијата. Случувањата ги потврдија од Honda за повеќе портали, а и преку Twitter објава.
At this time Honda Customer Service and Honda Financial Services are experiencing technical difficulties and are unavailable. We are working to resolve the issue as quickly as possible. We apologize for the inconvenience and thank you for your patience and understanding.
— Honda Automobile Customer Service (@HondaCustSvc) June 8, 2020
Од компанијата истакнуваат дека до сега не виделе доказ дека се изгубени лични податоци од клиентите.
Ова е еден од поголемите проблеми кои имаат настанато и кои ја имаат погодено компанијата од оваа големина, што го покажува степенот на сериозност кога се во прашање „ransomware“ малициозните датотеки.
