Скопје, 16 февруари 2026 година – На Зимските Олимписки Игри Милано Кортина 2026, поврзаноста е повеќе од тема, таа е вградена во секој момент. Низ локациите, селата и градските улици, мобилната технологија на Самсунг (Samsung) помага да се премостат јазиците, културите и искуствата.
Церемонијата на Отворање понуди приказ за таа иновација, со Galaxy S25 Ultra уреди интегрирани во преносот во живо, обезбедувајќи динамични перспективи покрај традиционалните ТВ камери. На подиумот, освојувачите на медали ги забележаа своите победи преку „Победничка Селфи – Фотографија“ (Victory Selfie), направена со Олимпиското издание на Galaxy Z Flip7 (Galaxy Z Flip7 Olympic Edition), автентичен момент што стана иконичен дел од искуството на освојување медал.
Но поврзаноста оди многу подалеку од центарот на вниманието. Од спортистите што се дружат во Олимпиското село, до волонтерите што ги насочуваат посетителите низ непознати градови, мобилната технологија на „Samsung“ ги поддржува секојдневните интеракции што ги дефинираат Милано Кортина 2026.
Претворање на јазичните бариери во моменти на поврзаност
За да поддржи беспрекорна комуникација низ сите локации, вклучувајќи и оддалечени планински области, „Samsung“ ги опреми волонтерите со Galaxy уреди со Galaxy AI функцијата „Interpreter“.
За Емануел Мантила Јуниор (Emmanuel Mantilla Jr.), волонтер од Филипините кој ги поддржува Националните Олимписки Комитети во Олимпиското село, јазичните разлики порано значеа двоумење. Мантила верува дека Олимписките игри се „како уште еден универзален јазик“, кој ги обединува луѓето од различни култури во заеднички моменти.
„Англискиот е широко распространет, но не сите се чувствуваат сигурно да го користат,“ изјави Мантила. „Претходно, се двоумев. Барав некој што го зборува нивниот јазик и чекав тој да помогне.“ Сега функцијата „Interpreter“ го промени неговиот пристап. „Наместо тивко да чекам, им приоѓам директно и прашувам како можам да помогнам. Сега ја имам таа самодоверба.“
Мантила се сеќава на еден незаборавен момент за време на неговата волонтерска работа. На трамвајска станица, еден гледач побара насоки како да стаса до арената за хокеј на мраз, локација надвор од задачите на Мантила. „Не беше ни мојата локација,“ се присети Мантила. „Лицето имаше тешкотии да зборува англиски. Затоа ја искористив функцијата „Interpreter“ за да објаснам во кој трамвај да се качи и како да се префрли на шатл што оди до арената. Претходно можеби ќе барав некој друг да помогне. Сега можам веднаш да асистирам.“.
Спортисти поврзани надвор од националноста
Во Олимпиското село, спортистите од целиот свет имаат слични придобивки.
Ксавери Вилијамс (Xaverri Williams), кој ги претставува Тринидад и Тобаго во боб-санкање, вели дека „Interpreter“ ја олеснува комуникацијата со спортисти надвор од неговата делегација.
„Функцијата за превод е особено корисна за разбирање луѓе што не зборуваат течно англиски,“ рече тој. „Да имаш нешто што ја премостува таа разлика го прави комуницирањето многу полесно и поглатко.“
Шпанскиот уметнички лизгач Томас Гуарино Сабате (Tomas Guarino Sabate) додаде дека и малите недоразбирања можат да ја прекинат поврзаноста.
„Повеќето луѓе зборуваат англиски,“ изјави тој. „Но, дефинитивно има моменти кога некој не се чувствува доволно удобно, или кога ни ти самиот не го знаеш вистинскиот збор. Алатка што овозможува превод во живо е навистина корисна во тие ситуации.“
За спортистот од тимот Samsung Galaxy, Даниел Грасл (Daniel Grassl) од Италија, мобилната технологија ја подобрува и интеракцијата на ниво од спортист до спортист и ангажманот со фановите. „Ти дозволува да изразиш како се чувствуваш и да го споделиш својот ден.“ рече тој.
Поврзување надвор од селото
Активностите на „Samsung“ низ Милано Кортина 2026 продолжуваат да ги поврзуваат фановите и спортистите.
Низ градовите, Galaxy Станиците за Полнење им овозможуваат на гледачите да ги наполнат своите уреди и да останат поврзани со случувањата, осигурувајќи дека можат да ги споделуваат моментите во реално време со семејството и пријателите.
Во меѓувреме, Победничкото возило на Samsung (Samsung Victory Truck) патува низ Милано, Бормио и Ливињо, носејќи импресивни искуства со мобилната технологија на Олимписките игри директно до фановите. Посетителите можат да се фотографираат со AR маскотите Тина и Мило и да ги преземат сликите преку QR код, носејќи дома дигитален сувенир од Зимските Олимписки Игри.
Поврзување на секој момент
Додека Милано Кортина 2026 продолжува, иновациите на „Samsung“ помагаат да се осигури дека јазикот, географијата и далечината нема да стојат на патот на заедничкото искуство, поврзувајќи ги спортистите и фановите во секој момент и осигурувајќи дека духот на Зимските Олимписки Игри ќе стигне подалеку.
