Доколку неофицијалните информации се покажат како точни, а шансите се големи, Netflix ќе ја купи компанијата Waner Bros.Discovery. Ова е доста голема вест на пазарот на стриминг сервиси, па се очекуваат и можни проблеми од страна на регулаторните тела.
Една од главните причини поради кои може да има проблем од регулаторите е што во сопственост на Warner Bros.Discovery, меѓу другото, е и HBO Max стриминг сервисот, кој е доста силен конкурент на Netflix.
Netflix има понудено 28 долари по акција, во главно во кеш, но од компанијата се заинтересирани само за дел од Warner Bros.Discovery. Поточно, а и очекувано, Netflix сака да ги купи филмските студија и стриминг сервисот, па дел од понудата не се и CNN и уште неколку телевизиски канали, најверојатно и Discovery.
Уште две компании се споменуваат како дел од понудите, Paramount и Comcast, а според информациите првата компанија обвинува за фаворизирање на Netflix.
Доколку Netflix успешно ја купи оваа компанија, тогаш тие ќе станат сопственици на доста познати брендови. Дел од нив ги вклучуваат HBO, познатиот DC Studios, New Line Cinema, Looney Tunes и слични.
